Tre persona janë vënë në prangat e policisë së Kamzës, pasi vepronin në grup për shitje të lëndës narkotike.

Policia ka sekuestruar mbi 3 kg kanabis të ndarë në doza e gati për shitje, 1 automatik dhe municion luftarak.

Tre të arrestuarit, siguronin lëndën narkotike dhe më pas e bënin gati në doza dhe e shisnin në zona të ndryshme të Kamzës. Gjatë kontrollit në banesën e 48-vjeçarit të vbënë në pranga, u gjet dhe u sekuestrua 3 kg e 200 gramë kanabis, arma dhe municioni luftarak.

“Në këtë kuadër është finalizuar operacioni policor i koduar “Combination”, si rezultat i të cilit u arrestuan shtetasit:

K. A., 23 vjeç dhe L. Ç., 59 vjeç, të dy banues në Kamëz;

M. N., 48 vjeç, banues në Valias.

Shërbimet e Policisë kanë lokalizuar në Kamëz, shtetasit K. A. dhe L. Ç., të cilëve, gjatë kontrollit fizik, iu kanë gjetur sasi lënde të dyshuara narkotike kanabis”, thuhet në njoftim.

/rtsh.al/