Një analizë e kryer nga kompania “Arcadia” në Itali, ka zbuluar një sërë tendencash sociale që kanë tërhequr vëmendjen e italianëve në internet këtë vit. 

Sipas së përditshmes “Panorama”, tre emrat e këruar më së shumti në rrjetet sociale  ishin “paga minimale”, “Shqipëria” dhe “akcizë”. 

Sipas matjeve të platformave “Live Insights Blogmeter” dhe “Fanpage Karma” fjala “pagë minimale” është  renditet e para duke u përmedur mbi 32 630 herë gjatë tre javëve të para të gushtit. ”Shqipëria” zuri vendin e dytë, me 28 890 përmendje. 

Por, vera e italianëve nuk u kufizua vetëm në këto dy tema. 

Fjala ”akcizë” zuri vendin e tretë, me 23 130 përmendje, e më pas edhe nga fjala ”faturë” me 15 180.  

Megjithatë fjalët ”Pagë minimale” dhe ”Shqipëri” spikasin në këtë publikim duke marrë një vëmendje të jashtëzakonshëm prej 61,52% që nga fillimi i muajit. 

Vlen të theksohet se kur bëhet fjalë për “pagën minimale”, përmbajtja me më shumë interes ishte një video e shpërndarë nga Giorgia Meloni në TikTok, e cila grumbulloi 1,6 milionë shikime.

Gazetar Artur Mata

/ rtsh /