Republikanët shpresojnë të fitojnë edhe Kongresin, pas Senatit dhe Shtëpisë së Bardhë

Zgjedhjet në SHBA | 2 vite më parë

Partia Republikane duket se po shkon drejt kontrollit të plotë të Kongresit amerikan, ndërsa i duhet të sigurojë të paktën edhe 6 vende të tjera në Dhomën e Përfaqësuesve për të marrë drejtimin e saj.

Dhoma e Përfaqësuesve ka 435 ligjvënës ndërsa deri më tani republikanët kanë siguruar 212 vende, kurse demokratët 200. Nëse konfirmohet një shumicë republikane kjo i siguron Presidentit të zgjedhur Donald Trump mundësi të lehta për të miratuar legjislacione që përfaqësojnë zotimet që ka bërë gjatë fushatës.

Republikanët deri tani kanë siguruar shumicën në Senat, duke fituar 53 vende nga 100 që ka në tërësi. E vetmja garë deri pasditen e së shtunës, ku nuk është përcaktuar ende fituesi, është ajo për senatorin që do të përfaqësojë Arizonën. Demokrati Ruben Gallego ka epërsi prej 1.1 % kundrejt republikanes Kari Lake.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.