Sekretari i Jashtëm britanik, David Cameron i cili ishte i pranishëm sot në Tiranë ka ndërprerë vizitën e tij në mënyrë të papritur pas mbledhjes urgjente të kërkuar nga kryeministri Rishi Sunak teksa vendi mund të shkojë drejt zgjedhjeve të parakohshme.

Cameron ka ndërprerë vizitën në Shqipëri për t’iu bashkuar pasditen e sotme mbledhjes së kabinetit britanik teksa janë rritur gjasat që Britania e Madhe të shkojë drejt zgjedhjeve të parakohshme.

Gjithashtu edhe Sekretari i Mbrojtjes Grant Shapps ka shtyrë fluturimin e tij për të marrë pjesë në një takim të Aleancës së Atlantikut të Veriut në shtetet baltike për të marrë pjesë.

Gjatë mbledhjes së kabinetit qeveritar, pritet që kryeministri Sunak të shpallë datën e zgjedhjeve të përgjithshme, raportojnë mediat britanike. 

Mbledhja urgjente në Westminister vjen pasi Britania e Madhe mund të shkojë në zgjedhje të parakohshme gjatë kësaj vere, edhe pse kryeministri britanik Rishi Sunak e përjashtoi një skenar të tillë.

 “Do të ketë zgjedhje të përgjithshme në gjysmën e dytë të këtij viti”, u shpreh Sunak.

/rtsh.al./