Mungesa e investimeve në hekurudhat gjermane janë fajësuar për kaosin e udhëtimeve në disa pjesë të vendit, pasi reshjet e dendura të dëborës bënë që pjesa më e madhe e rrjetit të mos funksiononte.

Reshjet e borës deri në gjysmë metri në Bavari, Gjermania jugore , çuan në avari të shumta dhe shkaktuan anulimin e shumë trenave, me sistemet e sinjalizimit dhe tabelat elektronike të informacionit që shpesh keq funksiononin.

Në të gjithë vendin, pasagjerët hekurudhor dhe rrugor u këshilluan të anulonin çdo udhëtim të panevojshëm në mes të kaosit, pasi stacioni kryesor i Mynihut u mbyll të shtunën dhe operatori hekurudhor kombëtar Deutsche Bahn (DB) paralajmëroi se “ndërprerjet masive” do të vazhdonin në fillim të kësaj javë. Kreu i Sindikatës së Hekurudhave dhe Transportit, Martin Burkert, tha se DB nuk ishte e pajisur për t’u marrë me motin si rezultat i investimeve të pamjaftueshme prej vitesh.

Ministri i Transportit, Volker Wissing, u bëri jehonë kritikave, duke thënë se e vetmja mënyrë për të trajtuar problemet ishte me një “rishikim të përgjithshëm” të të gjithë rrjetit.

“Nuk ka rrugëdalje. Kjo është për shkak të neglizhencës së infrastrukturës gjatë dekadave“, u shpreh ai./ The Guardian

/rtsh.al/