Presidenti turk Recep Tajip Erdogan tha se shansi për paqe në konfliktin Izrael-Gaza është “humbur tani për tani” për shkak të “qasjes pa kompromis” të Izraelit.

Nga një deklaratë për mediat, Erdogan tha gjithashtu se ai nuk po e humb shpresën për një paqe të qëndrueshme në konflikt, duke shtuar se Hamasi nuk mund të përjashtohet nga zgjidhja e tij e mundshme.

“Ne gjithmonë kemi theksuar se jemi në favor të një armëpushimi të përhershëm dhe jo të një thyerje humanitare. Kishte një mundësi për paqe këtu dhe, për fat të keq, ne e kemi humbur këtë mundësi tani për tani për shkak të qasjes pa kompromis të Izraelit. Ne duhet të fokusohemi në zgjidhjen me dy shtete… Përjashtimi i Hamasit ose shkatërrimi i Hamasit nuk është një skenar realist.”, u shpreh Erdogan.

Erdogan tha gjithashtu se një grup kontakti i formuar nga Organizata e Bashkëpunimit Islamik dhe Liga Arabe do të vizitojë SHBA-në për të diskutuar një zgjidhje të mundshme të konfliktit në Gaza pas takimit me autoritetet në Londër, Paris, Barcelonë dhe OKB.

/rtsh.al/