Izraeli ka bërë të ditur se mbetet i përkushtuar për të shkatërruar Hamasin pas rifillimit të luftës.

Megjithëse armëpushimi ishte një arritje diplomatike për aq sa zgjati, pas pauzës shtatë-ditore, Izraeli dhe Hamasi i janë rikththyer sërish luftës.

Për Hamasin, është lufta për të mbijetuar. Për sa kohë që një person i armatosur i Hamasit mund të tërheqë këmbëzën ose të lëshojë një raketë në Izrael, ai do të pretendojë të jetë i pamposhtur.

Me gjithë fuqinë e tij dërrmuese ushtarake, detyra e Izraelit është më e ndërlikuar.

Kryeministri i saj, Benjamin Netanjahu, u betua për hakmarrje pasi Hamasi shkeli kufirin dhe vrau rreth 1200 njerëz, kryesisht civilë izraelitë, më 7 tetor, transmeton BBC.

Në orët e para pasi ushtria izraelite u kthye në ofensivë, qeveria u angazhua sërish për qëllimet e saj të luftës në një postim në WhatsApp: “Lirimi i pengjeve, eliminimi i Hamasit dhe siguria që Gaza të mos përbëjë më kurrë një kërcënim për banorët e Izraelit”.

/rtsh.al/