Kryeministri izraelit Benjamin Netanjahu ka këmbëngulur se nuk do të ketë armëpushim pa lirimin e pengjeve të mbajtura nga Hamasi.

“Luftimet vazhdojnë dhe nuk do të ketë armëpushim pa lirimin e pengjeve tanë. Izraeli po lejon korridoret e kalimit të sigurt nga brezi verior në jug të tij, siç bënë 50,000 Gazanë vetëm dje. Ne i bëjmë thirrje përsëri popullatës civile të Gazës që të evakuohet në jug”, tha Netanjahu në një deklaratë për mediat.

Ndërkaq, presidenti izraelit Isaac Herzog tha të enjten se Hamasi nuk ka paraqitur propozime të qëndrueshme për lirimin e pengjeve.

“Teksa shumë njerëz që janë palë të treta  që dërgojnë mesazhe optimiste, po them plotësisht, sipas njohurive të mia, deri më tani, nuk ka asnjë informacion real, thelbësor që tregon ndonjë ofertë reale për çdo proces negociatash. Dhe kjo është për të ardhur keq. Dhe sigurisht që ne po punojmë – si në frontin ushtarak ashtu edhe në të gjitha frontet e tjera – për t’i kthyer ata në shtëpi”, tha Herzog në një intervistë për NBC Neës.

Deklaratat përkojnë me ato të zëdhënësit të Këshillit të Sigurisë Kombëtare të SHBA-së, John Kirby, i cili ka theksuar se Izraeli do të fillojë të zbatojë pauzat e përditshme katër-orëshe të operacioneve ushtarake në zonat e Gazës veriore.

Izraeli tashmë ka hapur korridoret e evakuimit me orë të tëra që nga e shtuna. Izraeli hapi të enjten një korridor evakuimi për gjashtë orë, duke lejuar civilët të largohen nga Gaza veriore në jug të Wadi Gazës.

/rtsh.al/