Drejtoi makinën në efektin e alkolit, arrestohet bashkëshorti i Nancy Pelosit

Botë | 4 vite më parë

Bashkëshorti i kryetares së Dhomës së Përfaqësuesve të Kongresit Amerikan, Nancy Pelosit, është arrestuar në Napa të Kalifornisë pasi pretendohet se ka drejtuar automjetin me të cilin udhëtonte nën efektin e alkolit, raporton BBC.

Patrulla e Autostradave të Kalifornisë tha se Paul Pelosi ishte përpjekur të kalonte Rrugën e Shtetit-29 kur makina e tij u përplas nga një burrë 48-vjeçar që drejtonte një Jeep. Ndaj 82 vjeçarit u caktua një shumë garancie prej 5 mijë dollarësh.

Në momentin e arrestimit të bashkëshortit, Kryetarja Nancy Pelosi ndodhej në Rodhe Island në një fjalim në Universitetin Brown. Pelosi nuk ka dhënë komente për këtë çështje.

Paul Pelosi dhe Nancy Pelosi janë të martuar që nga viti 1963. Bashkë kanë pesë fëmijë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.