Biznesi shqiptar i bimëve mjekësore në panairin “BIOFACH 2024”

Ekonomi | 3 vite më parë

Biznesi shqiptar i bimëve mjekësore, do të marrë pjesë në panairin “BIOFACH 2024”, në Gjermani.

Një prej tyre do të jetë edhe kompania BIOBES në Sopëz, Lushnjë. 
BIOBES, ka më shumë se 10 vite që zhvillon aktivitetin e grumbullimit, përpunimit dhe paketimit të bimëve aromatike dhe medicinale. 

Ajo angazhon rreth 450 familje fermerësh për të mbledhur bimët si dëllenja, sherebela, kalendula etj., të cilat kanë kërkese të lartë në tregjet e Evropës,  Shtetet e Bashkuara të Amerikës dhe Azisë lindore, ku kompania eksporton rreth 1000 tonë në vit.

Prodhimi organik është në fokusin e tyre dhe të gjithë bimët që tregtojnë janë të certifikuara sipas Standardit Organik Evropian.

“Ne jemi të angazhuar për promovimin e produkteve lokale në tregjet e eksportit, për të hapur tregje të reja dhe për të sjellë vlerë më të lartë për fermerët dhe përpunuesit”, tha me këtë rast ministrja e Bujqësisë dhe Uahsqimit Anila Denaj.

/ rtsh.al /


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme