Kursimet në lekë u zgjeruan me 27 miliardë lekë

Banka e Shqipërisë njoftoi se ecuria e depozitave në lekë në dhjetor 2023 shënoi tregues pozitivë për të dytin muaj radhazi.
Sipas BSH-së, stoku i kursimeve në monedhën vendase në dhjetor arriti në 579 miliardë lekë.
Kjo është një rritje prej 2.5% më krahasim me muajin e mëparshëm, ose 14 miliardë lekë më shumë (rreth 125 mln euro).
Gjithnjë sipas bankës edhe në nëntor, kursimet në lekë u zgjeruan ndjeshëm, me rreth 17 miliardë lekë, më e larta që nga dhjetori 2021.
Në ecurinë pozitive të kursimeve në lekë ndikuan individët, që shtuan kursimet e tyre pa afat në banka, që sollën 75% të rritjes.
Ndikimi i dytë më i lartë erdhi nga korporatat jo financiare publike.
Me bazë vjetore, depozitat në lekë u rritën me 5%, ose 27 miliardë lekë më shumë.
/ rtsh.al /
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




