Aksident i rëndë në Egjipt, të paktën 32 të vdekur dhe 63 të plagosur

Botë | 3 vite më parë

Të paktën 32 persona kanë humbur jetën dhe dhjetëra të tjerë janë plagosur në një aksident në Egjipt ku u përfshinë disa automjete. Aksidenti ndodhi këtë të shtunë në rrugën Kajro-Aleksandria, 131 km në veri të kryeqytetit Kajro.

Të paktën 63 persona janë lënduar, tha ministria e shëndetësisë.

Gazeta shtetërore Al-Ahram tha se në aksident u përfshinë një autobus me pasagjerë dhe disa makina, disa prej të cilave morën flakë.

Të paktën 20 autoambulanca u dërguan në vendin e aksidentit, tha Ministria e Shëndetësisë në një deklaratë.

Ministri i Shëndetësisë Dr Khaled Abdel Ghaffar tha se të plagosurit u transferuan në një spital në Wadi al-Natrun, ndërsa të tjerët u dërguan në Al-Nubaria./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.