AKU kthen në vendin e origjinës 5 ton produkte deti

Ekonomi | 3 vite më parë

Autoriteti Kombëtar i Ushqimit ka njoftuar se ka kthyer në vendin e origjinës të paktën 5 ton produkte deti për arsye të prishjes së zinxhirit ftohës. Produktet kishin ardhur me sistemin RAFFS në portin e Durrësit.

Bashkë me njoftimin AKU u bën thirrje subjekteve të respektojnë standardet dhe rregullat e sigurisë ushqimore.

Gjatë javës 9-15 tetor AKU ka kryer në shkallë vendi mbi 2138 inspektime në subjekte të ndryshme tregtare ushqimore.

Nga kontrollet e kryera, janë asgjësuar 35538 kg produkte që kanë rezultuar jashtë standardeve për konsum.

Për shkeljet e konstatuara AKU ka vendosur 9 masa administrative gjobë në vlerën 950 mijë lekë, si dhe ka dhënë 104 masa administrative paralajmërime për mangësitë e evidentuara.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.