Austri- Deputetja e PD-së Tabaku takon përfaqësues nga Komisioni për Çështjet Evropiane të Austrisë

Politikë | 3 vite më parë

Kryetarja e Komisionit të Integrimit në Kuvend, Jorida Tabaku gjatë një vizite në Vjenë ka zhvilluar takime edhe me përfaqësues nga Komisioni për Çështjet Evropiane të të dy dhomave të parlamentit të Austrisë.

Nëpërmjet një postimi në rrjetet sociale, deputetja e PD-së, Tabaku shkruan se me përfaqësuesit e Komisionit për Çështjet Evropiane diskutuan mbi procesin e integrimit evropian me fokus luftën kundër korrupsionit.

Tabaku informon se gjatë këtyre takimeve u diskutua edhe për ndërtimin e një sistemi që lufton korrupsionin, i cili duhet të vijë nga parlamenti.

“Tanimë ne duhet të nisim betejën për të parandaluar korrupsionin përmes institucioneve dhe parlamenti është e vetmja rrugë që mund të implementohet kjo betejë”, shkruan Tabaku.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.