Ndërsa lufta Izrael-Hamas vijon prej më shumë se 1 muaji, Presidenti i SHBA Xho Bajden (Joe Biden) ka deklaruar se spitalet në Rripin e Gazës duhet të mbrohen. Ai shpreson për veprime “më pak ndërhyrëse” nga Izraeli ndërsa tanket izraelite përparuan në portat e spitalit kryesor të enklavës së rrethuar.

“Është shpresa dhe pritshmëria ime që do të ketë më pak veprime ndërhyrëse”, tha Biden.

Stafi i spitalit pretendon se janë nën rrethim, se objekti është bombarduar shumë herë dhe se snajperët izraelitë qëllojnë njerëzit që largohen nga ndërtesa.

Izraeli i ka mohuar këto pretendime, por gjithashtu ka thënë se Hamasi po përdor një rrjet tunelesh nën spital, por nuk ka ofruar asnjë provë për këtë pretendim.

Al-Shifa ka mbetur pa karburant. Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus tha të dielën se “nuk po funksionon më si spital”.

/rtsh.al/