“Ka ardhur koha që drejtuesit e Drejtorive Vendore të kenë një mandat 3-4 vjeçar”, ka qenë kjo deklarata e Ministrit të Brendshëm Taulant Balla nga foltorja e Kuvendit.

Balla u shpreh se kjo gjë do të mundësojnë dhënien fund të lëvizjeve kaotike dhe garantimin e karrierës. Ministri u dha një mesazh edhe punonjësve të policisë, duke thënë se nëse duan karrierë, duhet të kenë integritet, gatishmëri dhe besueshmëri te publiku.

“Po punojmë çdo ditë për trajnimin e agjentëve të Mbikëqyrjes Policore.

Dua t’iu garantoj se procesi i vetëpastrimit të policisë, është jetik. Sa i përket  aplikacioneve që ju përmendët, mund t’iu vë në dispozicion raportin e EUROPOL.

Jemi duke studiuar, në ligjin e policisë së shtetit, ka ardhur koha që drejtuesit e drejtorive vendore, që të kenë një mandat 3-4 vjeçar, për ti dhënë fund një lëvizje kaotike dhe për të garantuar karrierë. Nëse do të bësh karrierë në polici, duhet integritet, gatishmëri dhe duhet arritur besueshmëria e publiku te policia e shtetit”, tha Balla.

/rtsh.al/