Arredimi dhe pasurimi me një fond të konsiderueshëm librash ka bërë që biblioteka e Kamzës të marrë tërësisht një pamje të re. Rreth 1000 mijë tituj me emrat më të njohur të letërsisë botërore dhe asaj shqiptare, janë librat e rinj që kjo bibliotekë tashmë ofron për të rinjtë e Kamzës dhe jo vetëm, teksa të shfrytëzueshme janë edhe ambientet e saj për lexim.

Investimet nuk janë bërë vetëm në këtë bibliotekë, por në të gjitha shkollat e Kamzës për të cilat kryetari i Bashkisë Rakip Suli thotë kanë një pamje tërësisht të re, dhe të pajisura me librat e nevojshëm për nxënësit.

Biblioteka e pallatit të kulturës “Artan Cuku” në Kamëz numëron një fond prej 4 mijë titujsh në total, teksa ashtu  sikurse është bërë traditë, edhe ky vit do të sjellë një nga ngjarjet më të rëndësishme të librit, Kamza lexon 3 i cili do të mbahet gjatë muajit maj.

/RTSH/