Pedagogu i gazetarisë dhe komunikimit Zylyftar Bregu në vlerësimin e tij tha se ngjarja e javës së kaluar në Moskë është nga më të rëndat dhe shteti rus ka arrestuar autorët. Nga të dhënat ata janë niveli më i ulët i aktivitetit kriminal, tha ndër të tjera Bregu.

Por ai nënvizoi situatën në të cilën po zhvillohen ngjarjet. “Procesi hetimor është i mbyllur në Rusi, dhe mungojnë elementet e kontrollit nga jashtë” tha zoti Bregu. “Me këtë do të luajë shteti rus. Cilët janë organizatorët” tha ai.

Analisti Bregu nënvizoi faktin  se shefi i shërbimit sekret rus ka deklaruar se autorët e masakrës kishin lidhje me shërbimin sekret ukrainas dhe ata amerikane dhe britanike. Ai ka shkuar më tej duke thënë se nëse do të vërtetohet një gjë e tillë, shërbimi sekret rus ka deklaruar se do të vrasi shefin e shërbimit sekret ukrainas.

Zoti Bregu, vlerëson se në konteksin e zhvillimeve dy vjeçare të luftës në Ukrainë, Rusisë i interesonte ta ashpërsonte atmosferën e marrëdhënieve, për të kaluar nga operacioni special ushtarak i deklaruar më parë në  luftë mes dy vendve.

/ rtsh.al /