Certifikimi i pronës bujqësore, Lame në Patos: VKM për certifikimin e familjeve me gabime në dokumentet e vitit 1991

Vijon procesi i certifikimit të tokës bujqësore në vend. Në fshatin Kuqar të Patosit u regjistruan këtë të diel 990 parcela ullishte. Kreu i Kadastrës Artan lame, ndërsa dha certifikatat e para të pronësisë lajmëroi se tashmë po përgatitet Vendimi i Këshillit të Ministrave për certifikimin e familjeve që kanë gabime në dokumentat e vitit 1991.
“Ky është tashmë një problem i njohur edhe për raste të tjera në Shqipëri dhe, për këtë, faji ka qenë i komisioneve të asaj kohe që, kryesisht për arsye mosnjohjeje të ligjit kanë vepruar kështu. Veçanërisht i dukshëm rezulton ky fenomen në zonat bujqësore të Qarkut Fier dhe në Mat. Për t’i dhënë zgjidhje këtij procesi, tashmë nga Kadastra është gjetur zgjidhja teknike, të cilës po i jepet forma ligjore dhe së shpejti do të kalojë në Qeveri për miratim”, tha Lame.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




