Në emisionin ‘3D’ në RTSH ka pasur një debat mes anëtarit të Këshillit Kombëtar të ‘Rithemelimit’ Akil Kraja dhe themeluesit të Lëvizjes ‘Shqipëria Bëhet’, Adriatik Lapaj.

Thelbi i debatit kishte të bënte me akuzat mes palëve se kush janë të korruptuar, pengëmarrësit në politikë dhe të marrurit peng.

Sipas Lapajt, një pjesë e atyre që përfaqëson Kraja i ‘Rithemelimit’, kanë djegur Shqipërinë.

“Unë s’kam thyer një xham. Kam 14 vite që student në opozitë. Jam angazhuar për mosshitjen e detit. Kam kontribuar në bllokimin e ndërrimit të nënshtetësisë. Mos flisni në emër të demokratëve. Të jesh demokratë s’do të thotë se ke logo të caktuar. Takoj edhe socialistë e s’do të thotë se rendin pas logos. Ka pengmarrës dhe të marrur peng.’, tha Lapaj.

Ndërsa Kraja i kërkoi Lapajt të mos fliste në emër të shqiptarëve.

“As ti mos fol në emër të shqiptarëve. Lufta jonë është për pluralizmin. Është Rama pengmarrës? Në primare u zgjodhën në mënyrë demokratike kryetarët. Rama është pengmarrës dhe ai tjetri është i marrë peng.”, tha Kraja.