Digjitalizohen 60% e regjistrave të Tokës Bujqësore

Ekonomi | 3 vite më parë

Sipas të dhënave të Ministrisë së Bujqësisë dhe Zhvillimit Rural, regjistrat e tokës bujqësore në vend janë dixhitalizuar në masën 60%.

Kjo ministri njofton se, paralelisht me regjistrimin është krijuar Sistemi i Informacionit për Tokën për të paktën 448,541 ha, ose 65.2% të totalit të tokës bujqësore në shkallë vendi.

Programi “Menaxhimi i Qëndrueshëm i Tokës” ka si synim edhe digjitalizimin.

Gjatë vitit 2023 janë digjitalizuar rreth 15,000 ha tokë bujqësore në njësitë administrative Qukës të qarkut Elbasan, Hekal të qarkut Fier, Fajzë të Qarkut të Kukësit, Helmës të Qarkut të Tiranës, Blinisht dhe Zejmen të Qarkut të Lezhës.

Sipas raportit të MBZHR-së, në përfundim të fazave të regjistrim-digjitalizimit janë kryer: Inventarizimi dhe klasifikimi i tokave bujqësore sipas përshtatshmërisë së saj; Mbledhja e informacionit për përdorimin/mbulesë tokësore për vitin që është kryer regjistrimi fillestar dhe 2023 si dhe analizimi i dinamikës së ndryshimeve në përdorimin e tokës bazuar te parcela; Studimi agro-ekologjik i zonave në studim; Digjitalizimi i regjistrit të tokës bujqësore për 4 njësi administrative;Krijimi i programit WEB-GIS për të dhënat e tokës.

/ rtsh.al /


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme