Mercedes do të duhet të paguajë 4.4 milion dollarë për t’u regjistruar në kampionatin e Formula 1 për vitin 2021. Portali “Motorsport” raporton mekanizmin për tarifat që do t’i paguhen FIA-s për të marrë pjesë në Kampionatin Botëror. Ekipi gjerman, kampion bote për konstruktorë që nga viti 2014, do të paguajë më shumë se kushdo pas rezultateve të shkëlqyera të sezonit të kaluar.

Në fakt është parashikuar që secila skuadër duhet të paguajë FIA-s një shumë në proporcion me rezultatet e sezonit të kaluar. Në anën tjetër, Ferrari, pas një zhgënjimi në vitin 2020, do të duhet të paguajë një milion e 315 mijë dollarë.

Të gjitha ekipet e regjistruara për Kupën e Botës duhet të paguajnë një tarifë themelore prej 569.308 $. Për më tepër, për secilën pikë të fituar në vitin e kaluar nga skuadra kampione e botës, ka një rritje të pjesës prej 6,830 dollarë, ndërsa ekipet e tjera paguajnë 5,691 dollarë. Për këtë mekanizëm, Red Bull, i dyti për konstruktorë, paguan 2 milionë më pak se Mercedes (2,384,737).