Zëvendëspresidentja e Shteteve të Bashkuara e Amerikës, Kamala Harris, pritet të telefonojë sot presidentin e sapozgjedhur Donald Trump për të pranuar humbjen në zgjedhjet presidenciale.

Po ashtu Presidenti Joe Biden planifikon të telefonojë Trump-in dhe do të flasë publikisht për rezultatet e zgjedhjeve, raporton NBC News, duke cituar një zyrtar të Shtëpisë së Bardhë.

Donald Trump arriti të fitojë Shtëpinë e Bardhë me 279 vota elektorale. Trump bëhet kështu presidenti i 47-të i SHBA-ve, dhe i pari kryetar i shtetit amerikan në 100 vjet që merr një mandat të dytë presidencial jo të njëpasnjëshëm pas atij të Clevlend në vitin 1892.

Republikani Trump rrëmbeu fitoren në shtetin e lëkundur të Pensilvanisë.

Përpara kësaj, Trump kishte siguruar edhe votat e dy shteteve të tjera të pavendosura të Karolinës së Veriut dhe Xhorxhias duke ia ngushtuar qe aty kundërshtares Kamala Harris rrugën drejt Presidencës. 

Marrja e Shtëpisë së Bardhë do të jetë një rikthim i jashtëzakonshëm për Trump pas disfatës përballë Joe Bidenit në zgjedhjet e 2020-tës.

/rtsh.al/