Disa municione luftarake janë gjetur gjatë punimeve të ndërtimit e rrugës Elbasan-Qafë Thanë, njoftoi Autoriteti Rrugor Shqiptar.

Menjëherë është bërë izolimi i zonës, ndalimi i punës duke shmangur rrezikun e mundshëm dhe u lajmërua Ministria e Mbrojtjes.

Ekspertët po egzaminojnë municionet dhe pritet të japin hollësi. 

ARRSH ka nisur këtë vit punimet për zgjerimin e rrugës në disa segmente dhe zhvendosjen nga zonat e populluara në disa segmente të tjera.

Ky aks do të transformohet tërësisht dhe do të shkurtojë distancat me rreth 20 km duke u kthyer në një rrugë interurbane me katër korsi, si pjesë e korridorit të 8-të. Në pjesën më të vështirë atë të kthesave të Murrashit, parashikohet ndërtimi i një tuneli.

Rruga e cila pritet të përfundojë në vitin 2027 lidh zona me shumë rëndësi si portin e Durrësit me pikat kufitare të Greqisë, Maqedonisë së Veriut, Bullgarisë etj.

/ rtsh.al .