Ikonat e Kostandin Zografit ekspozohen për herë të parë në muzeun “Onufri”

Kulturë | 3 vite më parë

Për herë te parë në Muzeun e Ikonografisë “Onufri”, janë ekspozuar dy ikona të dimensioneve të mëdha me autor Kostandin Zografin.

Bëhet fjalë për ikonat “Mbledhja e Kryeëngjejve” dhe “Johan Pagëzori në këmbë” që i përkasin krijimeve të autorit i përkasin në shek. XVIII.

Ato janë restauruar nga specialistët e Drejtorisë Rajonale të Trashëgimisë Kulturore Berat.

Koleksioni i Muzeut “Onufri” përbëhet nga 200 objekte të përzgjedhura nga fondet e kishave dhe manastireve të rrethit të Beratit. Ai përbëhet kryesisht nga ikona dhe një grup objektesh liturgjike. Veprat e këtij muzeu datojnë nga më të vjetrat të shekullit XIV deri në fillim të shekullit XX.

Publikimi i ikonave bëhet në vazhdim të projektit “Thesare të fjetura” që Qendra Kombëtare e Muzeumeve Berat ka nisur prej disa vitesh.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.