Presidenti i Partisë së Lirisë, Ilir Meta, së bashku me Avokatin Genc Gjokutaj, ka qenë i pranishëm në ambientet e Spitalin e Traumës, për t’u interesuar mbi gjendjen shëndetësore të Avokatit Sokol Mëngjesit.

Avokatit Sokol Mëngjesi u dhunua barbarisht pak ditë më parë në zonën e ish bllokut.

Në njoftim e bërë publik nga kjo parti, bëhet me dije se Meta është takuar me bashkëshorten, prindërit dhe familjarët e Avokat Mëngjesit, të cilëve ju shprehu të gjithë solidaritetin e mbështetjen.

Duke e dënuar me forcë këtë akt të qëllimshëm kriminal, që meriton ndëshkim të ashpër ligjor, Presidenti Meta ju uroi familjarëve shërim sa më të shpejtë të Avokat Mëngjesit.

Gjithashtu, Presidenti Meta u takua edhe me Shefin e kirurgjisë në Spitalin e Traumës, Gjovalin Bushi, i cili e informoi në detaje mbi gjendjen aktuale shëndetësore të Avokat Mëngjesit, si dhe falënderoi të gjithë ekipin mjekësor për humanizmin dhe përkujdesjen e dëshmuar.

/rtsh.al/