Irani apel Izraelit: Mos na sulmoni, ndryshe situata përshkallëzohet

Botë | 3 vite më parë

Irani ka deklaruar se forcat e tij ushtarake nuk do të angazhohen kundër Izraelit për sa kohë që Izraeli nuk e sulmon atë, interesat apo qytetarët e tij.

Përfaqësuesi i Iranit në OKB theksoi në Nju Jork se “fronti i rezistencës mund të mbrohet”.

Kjo deklaratë vjen vetëm disa orë pasi Irani kërcënoi me përshkallëzim nëse Izraeli nuk ndalon agresionin kundër Gazës.

Ministri i Jashtëm iranian, Hossein Amir-Abdollahian, u citua nga agjencia e lajmeve Fars të ketë thënë: “Nëse agresionet sioniste nuk ndalen, duart e të gjitha palëve në rajon janë te këmbëza”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.