Politikanët dhe njerëzit në mbarë botën po mbajnë frymën për të parë se kush do t’i fitojë të martën zgjedhjet presidenciale në SHBA.

A do të fitojë Donald Trump një mandat të dytë apo do të kemi një fitore për demokraten Kamala Harris, e cila do të ishte gruaja e parë me ngjyrë në krye të SHBA-ve.

Por kur do ta mësojmë se kush do të jetë presidenti i ardhshëm i SHBA-ve? Precedentët e fundit sugjerojnë se mund të mos e mësojmë të martën pas mbylljes së votimit, por disa ditë apo edhe javë më vonë – veçanërisht nëse rezultati do të jetë i ngushtë, siç është parashikuar gjerësisht.

Në vitin 2000, dita e zgjedhjeve ishte 7 nëntori, por George W. Bush nuk u bë president i zgjedhur deri më 13 dhjetor, atë ditë kur kundërshtari i tij demokrat Al Gore pranoi vendimin e Gjykata e Lartë të SHBA-ve e cila rrëzoi Gjykatën e Lartë të shtetit të Floridës, në votimin me 5-4, për të ndaluar rinumërimin në atë që Florida ishte një shtet i diskutueshëm sa i përkiste rezultatit të votimeve.

Ne kurrë nuk do ta dimë se kush me të vërtetë mori më shumë vota në Florida. Është një çështje rekord që Florida i dha Bushit fitoren në Kolegjin Zgjedhor me 271 vota pro dhe 266 kundër.

Në zgjedhjet e fundit të vitit 2020, vetëm të shtunën pas votimit të së martës, katër ditë më vonë u mësua fitorja e Joe Biden.

Donald Trump këmbënguli se ishte ai fitimtari. Mbështetësit e tij nisën përballje të shumta ligjore në përpjekje për të përmbysur rezultatet në shtetet e lëkundura si Pensilvania, Xhorxhia dhe Arizona.

Ata dështuan, por më 6 janar 2021, një turmë e dhunshme pro-Trumpit sulmoi Kapitolin në SHBA në një ngjarje për të parandaluar nënpresidentin Mike Pence që të certifikonte zyrtarisht rezultatin e fitores për Joe Biden.

Përkundër këtyre shembujve të viteve të fundit, në zgjedhjet moderne në SHBA, fituesi më së shpeshti është njohur pak orë pasi fillon numërimi.

Nëse do të fitojë Trump-i, do të shohim nëse Kamala Harris do ta urojë atë ashtu siç bëri Hillary Clinton në 2016.

Clinton e uroi Trump-in për ta uruar dhe disa orë më vonë mbajti fjalimin zyrtar për mbështetësit e saj.

Gara e ngushtë mund të përfundojë në një betejë gjyqësore

Trump ka thënë “dua ta tund këtë radhë” ndërsa ka premtuar se nëse humb me të drejtë, absolutisht do t’i pranoj rezultatet”, por ne pritet të shohim.

Trump nuk pranoi në vitin 2020 dhe ende këmbëngul se në ato zgjedhje ishte ai fituesi. Çuditërisht shumica e votuesve republikanë pajtohen me të.

Të gjitha sondazhet tregojnë se këto do të jenë zgjedhje me rezultat të ngushtë. Nëse Trump humbet, ai do të humbasë me rezultat të ngushtë, sepse një ose dy shtete të lëkundura, shkojnë kundër tij.

Ai do të bëjë ç’është e mundur për të përhapur mosbesim dhe për të vonuar Kamala Harrisin si  fituese.

Kjo është arsyeja pse e quajnë si zgjedhjet që do të vendosen në gjyq. Të dyja palët po mbledhin ekipe masive ligjore të gatshme për t’u përballur me njëra-tjetrën.

Fushata e Trump-it po tërheq avokatët konservatorë që vepruan për të në vitin 2020. Trump pretendon se ka 230 mijë vullnetarë që vëzhgojnë situatën në shtetet e lëkundura.

Për të kryesuar ekipin e saj ligjor, Harris ka rekrutuar Dana Remus, një ish-këshilltare e Shtëpisë së Bardhë dhe Marc Elias, i cili ka fituar çështje të forta, kryesisht për çështjet ligjore për t’iu kundërvënë miliarderëve pro-Trump si Elon Musk.

Natyrisht, nëse Harris mposhtet ngushtë dhe demokratët dyshojnë për lojë të keqe, demokratët gjithashtu mund të sfidojnë nga ana tjetër.

Ndryshe nga republikanët, megjithatë, ata nuk e kanë diskutuar hapur këtë si një taktikë për të rrëmbyer fitoren nga dera e pasme.

Trump dhe mbështetësit e tij po shtrojnë terrenin për mosbesimin e rezultatit këtë vit. Ata tashmë pretendojnë “mashtrim” dhe “mashtrim votuesish” në votimet e parakohshme. Ata pohojnë paraprakisht se këto janë “zgjedhje të manipuluara” ndaj tyre.

Më shumë se 200 padi janë ngritur që përfshijnë identitetin e votuesve, votimin me postë, makineritë e votimit, ndërhyrjet e huaja dhe frikësimin e votuesve.

Votuesit duhet të jenë shtetas amerikanë. Këtë vit, ankesat e mbështetësve të Trump fokusohen në pretendimet se po votojnë edhe emigrantët e paligjshëm, shkruan Adam Boulton në analizën e tij për Sky News. 

2020 ishte një vrapim i thatë kaotik dhe i improvizuar që ekspozoi taktikat që mund të përdoren për t’i sjellë një tjetër humbje Trumpit, por republikanët janë më të organizuar këtë herë.

/rtsh.al/