Sekretari amerikan i shtetit Antony Blinken ka përsëritur mbështetjen e tij për Izraelin, por tha se mënyra se si ushtria izraelite do ta realizojë ofensivën e pritshme tokësore në Gaza duhet mbajtur nën vëzhgim.

Duke folur në Kajro pas takimit me presidentin egjiptian Abdel Fattah el-Sisi, Blinken tha se ushtria izraelite duhet të marrë “çdo masë paraprake të mundshme për të shmangur dëmtimin e civilëve”.

Diplomati më i lartë i SHBA-së do të kthehet nesër në Izrael pas një turi të shpejtë në vendet arabe që synon të parandalojë çdo përhapje të konfliktit Izrael-Hamas.

Kjo do të jetë vizita e tij e dytë në pesë ditë, pasi konferencës së përbashkët me kryeministrin izraelit Benjamin Netanjahu të enjten.

El-Sisi tha më herët se përgjigja e Izraelit ndaj sulmeve të Hamasit kishte shkuar përtej vetëmbrojtjes në dënimin kolektiv.

/rtsh.al/