Nënshkruhet marrëveshja e huas me BERZH për ndërtimin e linjës hekurudhore Vorë-Hani i Hotit

Ekonomi | 3 vite më parë

Shqipëria dhe BERZH kanë nënshkruar marrëveshjen e huas për ndërtimin e linjës hekurudhore Vorë-Hani i Hotit.

Zëvendëskryeministrja, njëherësh ministrja e Infrastrukturës, Belinda Balluku ka qenë në Londër në Samitin e Investimeve për Ballkanin Perëndimor, ku dhe ka nënshkruar marrëveshjen e huasë me Presidenten e BERZH, Odile Renaud-Basso.

Balluku e ka cilësuar këtë projekt të rëndësishëm për Shqipërinë dhe rajonin, “i cili do të rrisë komunikimin mes vendeve, duke nxitur e lehtësuar lëvizjen e qytetarëve.”

Linja Vorë-Hani i Hotit ka një gjatësi 120 kilometra dhe pjesa më e madhe do të përfshijë rehabilitimin e linjës ekzistuese, ku hekurudha Vorë-Hani Hotit kalon në shtatë bashki atë të Vorës, Mamurrasit, Laçit, Milotit, Lezhës, Shkodrës dhe Koplikut.

Projekti është pjesë e zgjatimit të Rrjetit Kryesor të Transportit Trans-Europian TEN-T në Ballkanin Perëndimor, i cili do të lidhë Shqipërinë me rrjetet hekurudhore rajonale dhe europiane përmes Korridorit X pan-Europian.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme