OKB: Goditen 4 strehimore në Gaza, 20 persona kanë humbur jetën

Botë | 3 vite më parë

OKB-ja ka deklaruar se katër nga shkollat e saj në Gaza, që po përdoren si strehimore, janë dëmtuar në më pak se 24 orë.

Agjencia tha se njëra nga strehimoret u dëmtua në kampin e refugjatëve Jabalia, më i madhi në Rripin e Gazës, duke vrarë të paktën 20 njerëz dhe duke plagosur pesë. Po ashtu, sipas tyre, një shkollë tjetër në kampin e refugjatëve në Beach ose Al-Shati, gjithashtu u dëmtua, ku një fëmijë u vrarë. Të dy vendet janë në veri të Rripit të Gazës.

Në një deklaratë, agjencia tha se incidentet erdhën pas dy ditësh të bombardimeve të rënda në zonë.

OKB-ja shton se këto katër strehimore qëndronin rreth 20.000 njerëz. Izraeli ka bombarduar Gazën me sulme ajrore, ndërsa kërkon të “shkatërrojë Hamasin”. OKB thotë se 72 punonjës të saj janë vrarë në Gaza./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.