Në prag të nisjes së fushatës elektorale, Zyra e Komisionerit për të Drejtën e Informimit dhe Mbrojtjen e të Dhënave Personale ka publikuar Udhëzuesin “Për përpunimin e të dhënave personale në kontekstin e fushatave zgjedhore”. Kryefjalë ishte mbrojtja e të dhënave të zgjedhësve.

Ky dokument ka për qëllim të orientojë subjektet zgjedhore mbi mënyrën se si të garantojnë mbrojtjen e të dhënave personale të votuesve gjatë periudhës së fushatës zgjedhore. Udhëzuesi mbështetet në legjislacionin e Bashkimit Evropian, Këshillit të Evropës, praktikën ndërkombëtare dhe legjislacionin kombëtar të kësaj fushe.

Zbatimi i parimeve dhe kritereve të mbrojtjes së të dhënave personale të qytetarëve ndihmon në forcimin e integritetit të zgjedhjeve dhe ruajtjes së besimit te proceset demokratike në epokën digjitale. Nga ana tjetër, përpunimi i paligjshëm i tyre, mund të pengojë dialogun politik dhe ndikon negativisht tek e drejta e shprehjes së lirë politike.

Gazetare: Megi Mëhilli

/rtsh/