Mësuesit kanë përfunduar se përzgjedhuri tekstet shkollore për arsimin parauniversitar. Komisionet e ngritura në shkolla kanë votuar për librat njohuritë e të cilave përthithen me shpejt nga fëmijët. Drejtoresha e Arsimit Parauniversitar në Ministrinë e Arsimit, Zamira Gjini sqaron se për këtë vit janë përzgjedhur për herë të parë edhe 3 alternativat e librit të anglishtes së klasës së dytë.

Ndryshe nga tekstet e tjera që përzgjidhen çdo vit, librat që janë në përdorim kalojnë në komision 1 herë në 3 vjet.

Procesi i përzgjedhjes së teksteve shkollore bëhet nga mësuesit e shkollës të cilët kanë shqyrtuar të 3 alternativat e mundshme.

Kur ka diskutime për tekste të caktuara atëherë aplikohet edhe votimi i fshehtë. Në proces mund të jenë të pranishëm edhe prindërit të cilët shpeshherë janë ankuar për gabimet që kanë tekstet shkollore.

/rtsh/