Në Portin e Durrësit, fundjava që lamë pas ka shënuar dhe nisjen e fluksit të hyrje-daljeve të udhëtarëve, duke regjistruar 4, 492 pasagjerë dhe 1,624 mjete/kamionë/trailerë në këtë pikë kufitare.

Pas motit të keq të disa ditëve më parë kësaj pikë kufitare dhe portit më të madh në vend i është rikthyer normaliteti i lëvizjes së anijeve të mallrave por edhe trageteve me të cilët po vijnë shumë bashkatdhetarë për të festuar Krishtlindjet dhe Vitin e Ri.

Nga Autoriteti Portual Durrës dhe të gjitha strukturat që operojnë në Port  janë marrë masat për krijimin e lehtësirave dhe shmangien e vonesave për çdo udhëtar që hyn apo del nëpërmjet Portit të Durrësit, duke dyfishuar kapacitetet përpunuese dhe vigjilencën e shërbimeve për ta.

Aktualisht fluksi është i fokusuar në hyrje, ku vetëm gjatë të shtunës e të dielës janë regjistruar 3,209 pasagjerë.

/rtsh/