Drejtuesi politik i qarkut të Lezhës, Ulsi Manja ka uruan fitoren e Pjerin Ndreut për një mandat të dytë në krye të Bashkisë Lezhë.

Manja tha se vota e qytetarëve ishte një votë ndëshkuese ndaj modelit të kundërshtarit që përdori gjuhë fyese dhe përçarëse në fushatë.

“Me thënë të drejtën fitoja më ka shijuar pa masë, jo se ishte fitore e pastër spektakolare, por qytetarët i thanë stop një modeli të gjuhës fyese dhe përçarëse dhe ndasive krahinore. Kundërshtarët tanë betoheshin se do përcjellim Pjerin Ndreun dhe Ulsi Manjën deri te ura e Milotit, por Lezha foli qartësisht jo vetëm për Pjerinin por dha një votë ndëshkuese për këtë model politike”, tha Manja.

Pjerin Ndreu tha se “Na duhet shumë punë që të rreshtohemi mes qyteteve më të bukura të Shqipërisë. Sot treguam se Lezha nuk është një skuadër njerëzish që shkojnë djathtas pa lidhje, por shkojnë pas punës, pas zhvillimit”.

/rtsh.al/