Qeveria ka miratuar këtë të mërkurë indeksimin e të gjitha kategorive të pensioneve me 3.3%. Pas mbledhjes se qeverisë, ministrja e Financave dhe Ekonomisë, Delina Ibrahimaj tha se nga idenksimi përfitojnë të gjitha kategoritë e  pensioneve.
“Një nga masat që është parashikuar në këtë akt normativ që sapo kaluam indeksimi me 3.3% i pensioneve për të gjitha kategoritë e pensioneve dhe të plota e të pjesshme e të reduktuara të invaliditetit, pensionet në qytet, fshat, që jepen për ndiha të posacme shtetërore të gjitha kategoritë e pensioneve jo vetëm pensionet por edhe indeksimi i shtesës. Kjo ka kosto prej 3.3 miliardë lekësh ne buxhet” tha zonja Ibrahimaj.
Sipas ministres “janë 2500 lekë shtesa e shpenzimeve të një familjeje mesatare për një muaj që vjen si rezultat i rritjes së çmimeve të produkteve të shportës. Ne kemi menduar të japim 3 mijë lekë për 576 mijë persona për tre muaj me qëllim përballimin e kësaj situate” tha zonja Ibrahimaj.