Kryetari i PBDNJ, Vangjel Dule, i ftuar në emisionin Ekspres” në RTSH, duke folur për censusin e ri të popullsisë në vend , deklaroi se , “ është e drejtat e çdo individi që të vetë përcaktohet, dhe në Himarë ka një komunitet shumë më të madh që identifikohen si  pjesëtarë e minoritetit etnik grek”. 

Ndaj tha ai, askush nuk duhet të tjetërsoi vullnetin dhe të drejtën e qytetarëve.

Duke u ndalur tek çështjet që sipas tij shqetësojnë minoritarët, Dule ka cituar  Raportin e Këshillit të Evropës për minoritetet.

Dule deklaroi se , “ka dy javë që është bërë publik Raporti i radhës i Këshillit të  Evropës për situatën e të drejtave të pakicave kombëtare shqiptare, dhe me përjashtimin të një konference për shtyp që mbajta unë, askush nuk është deklaruar nga qeveria.

“Ky është raporti i pestë që nxjerr organi kompetent i Këshillit të Evropës. Pas një monitorimi të situatës në teren konstatohen ende mungesa të theksuara të cilat bëjnë të vështirë implementimin e ligjit për të drejtat e pjesëtarëve të pakicave kombëtare”, tha Dule.

Ai i bëri thirrje qeverisë dhe institucioneve të tregojnë vullnet politik për të respektuar minoritetin, që sikurse u shpreh ai, “ ky raport ka gjetje skandaloze dhe unë përball komunitetit tim ndihem në faji që nuk i kam ngritur me atë forcë dhe intensitet”.

/rtsh.al/