Ky Shën Valentin i gjeti rrugët e kryeqytetit të veshur me ngjyrë të kuqe dhe të dekoruara me simbolikat e kësaj dite të rëndësishme. Një pjesë të qytetareve i  shihje duke shëtitur  me lule në duar ndërsa jashtë lokaleve  mund të dëgjoje vetëm  meloditë e këngëve më të bukura të dashurisë. Nuk munguan edhe rastet ku ndonjë performancë mund ta shijojë live.

Atmosfera romatike u ndje këtë të mërkurë kryesisht në dyqanet e luleve apo çdo kënd lagjeje , ku kliente të moshave të ndryshme nuk hezituan të blinin buqeta me mimoza apo kompozime trëndafilash të kuq të cilët ua dhurojnë njerëzve të tyre të zemrës.

Festa e Shën Valentinit festohet në shumë vende të botës. Një pjesë e qytetarëve  preferojnë të festojnë thjeshtë me një shëtitje me njeriun e zemrës, të tjerë i japin kuptim kësaj dite nëpërmjet shkëmbimit të dhuratave, të tjerë preferojnë të qëndrojnë  indiferent ndaj 14 shkurtit.

/RTSH/