Sikurse është njoftuar, Gjykata e Posaçme pritet të vendos sot për masën e sigurisë ndaj ish-kryeministrit Sali Berisha.

Në 14:30 pritet të mbahet seanca për masën e sigurisë ‘detyrim paraqitjeje’ dhe “ndalim i daljes jashtë shtetit” për akuzën ‘korrupsion pasiv’ në çështjen e privatizimit të kompleksit ‘Partizani’.

Sipas informacioneve, Ish-kryeministri Sali Berisha nuk pritet që të jetë i pranishëm në seancë, por do të dërgojë dy avokatët e tij Genc Gjokutaj dhe Sokol Mëngjezi, se sikurse ka njoftuar do të zhvilloi një mbledhje me Kryesinë e Rithemelimit, ndërsa të premten do të mbledhë Këshillin Kombëtar të Rithemelimit.

Seanca e ditës së djeshme (24 tetor) u mbyll pa vendim për shkak se dy avokatët e Berishës, deklaruan se kanë paditur gjyqtaren Irena Gjoka për ‘shpërdorim detyre’ duke kërkuar përjashtimin e saj, por gjykata nuk e konfirmoi dorëzimin e kësaj kërkese.

/rtsh.al/