Rruga për në Syrin e Sheganit mund ta përshkosh me makinë nga Shkodra në më pak se 30 minuta. Bukuritë e këtij vendi mund t’i shijosh me varkë apo në këmbë. Historiani Gjokë Luli thotë se dokumentat tregojnë se në kohën e perandorisë otomane kjo zonë cilësohej si një ndër më të bukurat e Shkodra ishte qyteti i dytë  më i bukur në atë kohë pas Stambollit.

Kreu i Bashkisë Malësi e Madhe Tonin Marinaj tregon se  vëmendja e qeverisë është përqëndruar edhe në turizmin malor ku përmend një sërë investimesh të kryera si dhe ato që priten të nisin brenda një kohe te shkurtër:

Ndërsa në Syrin e Sheganit për hir të së vërtetës nuk ka pasur investime konkrete.Sipas Marinajt fondi shqiptar për zhvillim ka nisur një studim përgjatë gjithë vijës liqenore përfshi Syrin e Sheganit një investim ky pothuajse i ngjashëm me atë të Shirokës.

Rreth 20 vite më parë kjo zonë shfrytëzohej për kontrabandën e naftës në drejtim të ish Jugosllavisë, ndërsa sot është kthyer në një nga atraksionet turistike me të veçanta në veri të Shqipërisë.Ky destinacion gjendet në afërsi të fshatit Gashaj, i cili është pjesë e njësisë administrative Kastrat dhe për të arritur pranë këtij thesari të çmuar përveç rrugës automobilistike, mund të shkohet edhe në rrugë ujore.