Kryeministri Edi Rama ka zhvilluar një takim me sipërmarrës të sektorit privat në Bulqizë, ku theksoi se rritja e pagave të punonjësve, është një prioritet kombëtar i përbashkët.

Gjatë fjalës së tij, Rama tha se është domosdoshmëri që edhe sektori privat të bashkëpunojë në këtë drejtim.

Kryesocialisti ka marrë si shembull një prej fasonerive të Bulqizës, me eksperiencë të suksesshme në politikat e rritjes së pagave dhe trajtimin me dinjitet të punonjësve.

Më tej, kreu i qeverisë rikujtoi se brenda prillit të 2025 paga minimale do të shkojë 45 mijë lekë.

Më herët Kryesocialisti Rama ka vijuar takime elektorale në Mat. Gjatë një takimi me qytetarët, Rama u bëri thirrje atyre që të mos votojnë për koalicionin Berisha-Meta. 

Kryeministri Edi Rama, turin e takimeve në qarkun e Dibrës e ka vijuar me Klosin, ku ka prezantuar kandidaten e PS, Vlabona Kola.

Sipas kryeministrit Rama, Klosi ka një potencial të madh të zhvillimit ekonomik dhe social nëpërmjet turizmit. Kryeministri tha se puna për ta bërë Klosin një vend turistik, nuk mund të fillonte pa përfunduar rruga që e lidh me Tiranën tani për 40 minuta.

/rtsh/