Marrëdhëniet dypalëshe dhe zhvillimet rajonale kanë qenë në fokus të takimit mes Ministres së Jashtme Olta Xhaçka dhe të dërguarit të Posaçëm për Ballkanin Perëndimor, Gabriel Escobar. Me anë të një postimi në rrjetin social Fcaebook, Xhaçka bën me dije se i ka shprehur mirënjohjen Escobarit për përfshirjen e tij personale dhe të Shteteve të Bashkuara të Amerikës në promovimin e stabilitetit dhe sigurisë në Ballkanin Perëndimor.

“Takim i shkëlqyer me Zv. Ndihmës Sekretarin e Shtetit 🇺🇲, për Çështjet Europiane dhe Euroaziatike dhe i Dërguar i Posaçëm për Ballkanin Perëndimor, Gabriel Escobar.

Diskutuam gjerësisht mbi marrëdhëniet dypalëshe dhe zhvillimet rajonale.  Mirënjohje për zv. Ndihmës Sekretarin e Shtetit Escobar për përfshirjen e tij personale dhe të SHBA në promovimin e stabilitetit dhe sigurisë në Ballkanin Perëndimor.

E sigurova atë për përkushtimin e Shqipërisë 🇦🇱 për thellimin e partneritetit strategjik me SHBA dhe për zgjerimin e bashkëpunimit rajonal”, shkruan Xhaçka.

/rtsh.al/