Organizata e Kombeve të Bashkuara ka reaguar pas paralajmërimeve të Izraelit për njerëzit në Gaza që të largohen.

“Për njerëzit që nuk mund të evakuohen, sepse nuk kanë ku të shkojnë ose nuk janë në gjendje të lëvizin, paralajmërimet paraprake nuk kanë asnjë ndryshim. Kur rrugët e evakuimit bombardohen, kur njerëzit në veri dhe në jug janë në armiqësi, kur mungojnë gjërat thelbësore për mbijetesë dhe kur nuk ka garanci për kthim, njerëzit nuk kanë asgjë tjetër veçse zgjedhje të pamundura. Askund nuk je i sigurt në Gaza“, tha koordinatorja humanitare e OKB-së.

Ajo shton se konflikti i armatosur duhet të rregullohet nga e drejta ndërkombëtare.

“Kjo do të thotë që civilët duhet të mbrohen dhe të kenë gjërat thelbësore për të mbijetuar, kudo që të jenë dhe nëse vendosin të lëvizin apo të qëndrojnë. Kjo gjithashtu do të thotë se pengjet, të gjithë pengjet, duhet të lirohen, menjëherë dhe pa kushte“, u shpreh ajo.

Forcat e Mbrojtjes së Izraelit kryen një sulm të synuar natës në veri të Gazës duke përdorur tanke.

Izraeli nuk ka nisur pushtimin e pritshëm tokësor të Gazës, por thotë se sulmi ishte në “përgatitje për fazat e ardhshme të luftimit”./ BBC

/rtsh.al/