Një 28-vjeçar i shpallur në kërkim në kuadër të megaoperacionit antikanabis të koduar “Tempulli”, është arrestuar nga Policia e Tiranës, duke e çuar numrin e të ndaluarve në 97.

Blutë e kryeqytetit kanë bërë me dije se 28-vjeçari ishte shpallur në kërkim pas vendimit të Gjykatës së Shkallës së Parë të Juridiksionit të Përgjithshëm e cila e la në burg për “prodhim dhe shitje të narkotikëve”.

“Si rezultat, në rrugën “Vangjush Furxhi”, u kap dhe u vu në pranga shtetasi H. S., 28 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve””, thuhet në njoftim.

Vijon puna për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni.

/rtsh.al/