Tensionet në Lindjen e Mesme rrisin çmimin e naftës në tregun botëror

Ekonomi | 3 vite më parë

Sulmet ushtarake të SHBA dhe Britanisë kundër objektivave në zonat e kontrolluara nga Houthi në Jemen, për shkak të sulmeve të tyre ndaj anijeve tregtare në Detin e Kuq, kanë provokuar rritjen e çmimeve të naftës. 

Nafta Brent e Londrës është rritur me mbi 2% në sesionin e së premtes dhe po tregtohet në rreth 79 dollarë për fuçi, ndërsa nafta Bruto amerikane po tregtohet në rreth 74 dollarë për fuçi, në rritje me 2.4%.

Kompanitë e mëdha të transportit detar ndaluan kalimin e rrugëve të Kanalit të Suezit dhe Detit të Kuq në fillim të dhjetorit, duke zgjedhur rrugën e gjatë nga Afrikës Jugore. 

Kjo po rezulton në udhëtime më të gjata dhe më të shtrenjta, të cilat rritën tarifat e transportit të mallrave në oqean. 

/ rtsh.al /


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme