“Transformimi i Sazanit në një xhevahir të kurorës së artë të turizmit mesdhetar, është ambiecie e kahershme”, kështu ka deklaruar këtë të martë (19 mars) kryeministri Rama në lidhje me propozimin e kompanisë “Affinity Partners” të dhëndrit të ish presidentit amerikan Donald Trump, Jared Kushner për ndërtimin në ishullin e Sazanit të një resorti luksoz.

Kreu i qeverisë nuk fshehu kënaqësinë për propozimin e bërë, ndërsa u shpreh se është ende në fazë shqyrtimi. Ai deklaroi se është bërë një aplikim në Agjencinë e Investimeve të Huaja dhe se ku projekt duhet të përputhet me vizionin e qeverisë “Rama”.

“Transformimi i Sazanit në një xhevahir të kurorës së artë të turizmit mesdhetar është një ambicie e kahershme. Për hir të së vërtetës e kanë pasur dhe qeveritë dhe paraardhës të mitë. Nuk është bërë ende realitet.

Ishte i damkosur si një vend i të gjitha të këqijave, por sot Shqipëria është bërë një adresë gjithmonë e më e kërkuar, jo vetëm nga turistët por edhe nga investitorët. Ne jemi të kënaqur që kemi një propozim. Propozimi nuk është ende në procesin e domosdoshëm ku duhet të kalojnë disa shkallë. është bërë një aplikim në Agjencinë e Investimeve të Huaja AIDA do e shqyrtojmë dhe nëse projekti përputhet me vizionin tonë dhe domosdoshmërinë e krijimit të një ekuilibri mes zhvillimit dhe mbrojtjes së natyrës duke e kthyer natyrën në asetin kryesor të atij zhvillimi, do ecim para”, u shpreh kryeministri.

/rtsh.al/