Ministrja e Infrastrukturës dhe Energjisë, Belinda Balluku, ka inspektuar këtë të enjte punimet në ujësjellësin e Pogradecit. Veç qytetit ai siguron furnizim të pandërprerë me ujë të pijshëm për afro 6 mijë banorë të Udenishtit dhe Memlishtit, dy fshatra me potencial të madh turistik.
Ministrja Balluku tha se, deri më tani janë realizuar afro 60% e punimeve dhe puna po vijon me intensitet për përfundimin 6 muaj para afatit të përcaktuar për mbylljen e kësaj vepre. “Aktualisht në të gjithë vendin janë të hapura më shumë se 200 kantiere sa i takon ujësjellës-kanalizimeve. Ndërsa vetëm në qarkun e Korçës numërohen 28 kantiere ku po punohet pa ndalesë. Uji i pishëm, kanalizimet, shërbime kaq të rëndësishme për qytetarët, janë një nga 5 prioritet e qeverisë Rama, për të cilat ne kemi punuar gjatë gjithë kohës duke patur edhe mbështetjen e donatorëve si KfW e BB”- tha Balluku.
Sipas saj, qeveria ka nisur punën për të mbyllur dy kreditë që financojnë ndërtimin e rrugës së Qafë Plloçës, për  të vazhduar  edhe me rikonstruksionin e rrugëve të tjera që bashkia Pogradec i ka  paraqitur si vepra të rëndësishme për investim. Ato do ti vijnë në ndihmë përmirësimit të jeteses së banorëve në këto zona, por edhe agroturizmit, që ka marrë zhvillim për ngrjtjes së bujtinave dhe sipërmarrjeve të ndryshme private.