Emisioni “Ura” një dritare për të gjithë shqiptarët që jetojnë e punojnë jashtë vendit, rikthehet mbrëmjen e së mërkurës në orën 21 00 nën drejtimin e gazetarit të njohur Artur Bejzade. 

Si edhe më parë “Ura” synon të jetë një urë  lidhëse me atdheun për të gjithë shqiptarët kudo ku ata janë në botë.

“Është dritare që mund ta ketë vetëm televizioni publik, të bëjë lidhjen me diasporën. E ka misionin e vet dhe këtë mision mendoj se nëpërmjet ‘Urës’ e realizojmë me qëllimin e mirë për të folur të gjithë me një gjuhë, për të qenë të gjithë në orën shqiptare. Ka një vëmendje të jashtëzakonshme nga stafi i ri që jo vetëm të jetë një urë lidhëse televizioni, por edhe të japë mesazhet që duhet për diasporën, t’i krijojë mundësitë dhe ta bëjë pjesë të jetës shqiptare,” tha z. Bejzade.

Emisioni “Ura” vjen çdo të mërkurë në orën 21:00 në Radiotelevizionin Shqiptar.

Gazetare: Xhilda Kondi

/ rtsh.al /