18 persona ende të zhdukur nga shpërthimi në fabrikën e municioneve Tenesi, autoritetet: Nuk presim të gjejmë të mbijetuar

Amerikë | 12 muaj më parë

Asnjë i mbijetuar nuk pritet të gjendet pas shpërthimit të madh në një fabrikë municionesh në Tenesi, SHBA, teksa 18 persona rezultojnë ende të zhdukur.

Ekipet e kërkim-shpëtimin janë ende zonë, por shpresat për të gjetur të mbijetuar janë thuajse zero, tha sherifi i qarkut Humphreys Chris Davis.

Është ende e paqartë se çfarë e shkaktoi shpërthimin, teksa objekti është i specializuar në zhvillimin dhe prodhimin e eksplozivëve.

Zyrtarët thanë se mbeturinat nga shpërthimi u shpërndanë për gjysmë milje rreth vendit ku dikur qëndronte ndërtesa. Accurate Energetic Systems (AES), e cila drejton impiantin, ka pezulluar operacionet e saj.

FBI është gjithashtu në vendngjarje duke kryer teste të shpejta të ADN-së për të identifikuar viktimat dhe për të njoftuar familjet.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.