Shqip
English
Français
Deutsch
Ελληνικά
Italiano
Srpski
Türkçe“21 Janari”, Mahmutaj: Jam i gatshëm të dëshmoj. Nuk janë marrë shumë prova dhe dëshmi
Gazetari Fatos Mahmutaj, i cili mbeti i plagosur më “21 Janar”, deklaroi në emisionin ‘3D’ në RTSH se pavarësisht faktit se dëshmia e tij është në dosje, pasi ai ua ka dhënë dy prokurorëve paraprak dhe është firmosur prej tij, sërisht është i gatshëm të dëshmojë nëse e thërrasin.
“Aty u qëllua në mënyrë të drejtpërdrejtë në dy drejtime. Për shkak të presionit të Berishës nuk janë marrë tërësisht provat. Nuk janë marrë predhat që goditën përballë godinave të kryeministrisë. Nuk është bërë ekspertiza e gëzhojave mbi gardhin. Mungon ekspertiza. Mungojnë dëshmitë e të plagosurve. Në momentin e parë që të më thërrasin do të dëshmojë për këtë çështje. Dëshmia ime është në dosje. E kam dhënë përpara dy prokurorëve paraprak. Dëshmia ime është aty, por s’është marrë asnjëherë parasysh.”, deklaroi Mahmutaj.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
